Sri Sri Ravi Shankar nih Nobel Peace Committee pawl A soiselnak A Tuah Hna

Sri Sri Ravi Shankar nih Nobel Peace laksawm tuahtu Committee hna cungah biahalnak a tuah hna. Nobel Peace laksawg a umzia tak cu minung pakhat nih miphun le ram caah biatak tein an cawlcangh i, daihnak a sermi hna le ram pakhatle pakhat i ralnak karlak ah daihnak a um khawhnak ding caah tiin rian a tuantu pawl hna caah Nobel peace laksawg an pek tawnmi hna a si cucaah zei ruangah dah (Malala Yousafzai) hi cu bantuk rian tuannak ah voikhatte hmanh a cawlcanghnak a ngeihmi a um lo nain Nobel Peace Committee pawl nih hi bantuk laksawg hi an pek ning a si tiah bia an hal hna.

A ngai tak kan ti a si ahcun Malala Yousafzai cu Nu pawl nih fimthiamnak kan cawn ve awk a herh tiah raltha tein le hnuchit lo tein a dirpi ruangah Taliban misual pawl nih meithal in a kah hi a si. Rian tuannak lei ah zei hmanh chim ding a um lo cu caah Nobel Peace Committee pawl le a laksawg hi keimah mithmuh ahcun a man a niam tuk in ka hmuh cang tiah Sri Sri Ravi Shankar nih cun a chim. Nobel peace Prize kha political Prize ah a hun i cang e  tiin a bia a peh.

Pakistan’s ram nu Malala Yousafzai cu kum 2014 lio ah Nobel peace laksawg pek a si. Nobel Peace laksawg cotu vialte lakah kum no bik a si. Nu hna nih sianginn tha tein kai khawhnak covo an ngeih khawh ve nakding caah biatak tein a cawlcangmi asi ruangah kum 2012 lioah Taliban misual phu nih meithah in an rak kah.